ირმა ასპანიძე

Thursday, November 28, 2019

სოციალური პროექტი ,,არა ტელეფონს!“

სახელი, გვარი: ირმა ასპანიძე

რაიონი: ასპინძის

სოფელი: ნიჯგორი

სკოლა: ნიჯგორის საჯარო სკოლა

საფეხური/კლასი: VII-VIII-IX კლასი

პროექტის განხორცილების დრო: 15/04/2019-27/042/2019

პროექტის დასახელება: ,,არა ტელეფონს!“

1. პროექტის აქტუალობა:

მოსწავლეებში გავრცელებულია ისეთი სახის მავნე ჩვევა, როგორიცაა ტელეფონზე მიჯაჭულობა და თამაში. რაც სერიოზულ უარყოფით გავლენას ახდენს მოსწავლის ფიზიკურ და ფსიქიკურ ჯანმრთელობაზე და სწავლის ხარისხზე. დროის სწორად მართვასა და გამოყენებაზე. ტელეფონით თამაშების გავლენით მოზარდები დღითიდღე შორდებიან როგორც წიგნებს ისე მეგობრებს, ახლობლებს და ოჯახის წევრებს. გაუცნობიერებლად კარგავენ დროის შეგრძნებას და შორდებიან სასწავლო პროცესს, რეალურ ცხოვრებასა და სამყაროს. გადადიან ვირტუალურ სამყაროში, რომელსაც მათი რეალური ცხოვრებისათვის სასარგებლო და კარგი არაფერი მოაქვს. აუცილებელია, მოხდეს ამ მავნე დამოკიდებულების გაანალიზება მოსწავლეების მიერ გააზრება და შებრძოლება, საჭირო ღონისძიებების გატარება მის აღმოსაფხვრელად. ჯანსაღი ცხოვრების წესის დამკვიდრება პროექტის ფარგლებში მიღებული ცოდნით ჩვენ გარშემო უნდა აღმოიფხვრას ეს მავნე ჩვევა და შეიქმნას ჯანსაღი და სასარგებლო ინტერესებით სავსე გარემო. ბავშვებმა, ახალგაზრდებმა სპორტულ შეჯიბრებებსა და საინტერესო ღონისძიებებში ჩართულობითა და აქტიური მონაწილეობით უნდა შეძლონ თვითრეალიზება და თავისუფალი დროის სწორად გადანაწილება.

2. პროექტის მიზანი:

ა) მოკლევადიანი მიზანი: მოსწავლეებმა შეძლონ კონკრეტული მაგალითების საფუძველზე ტელეფონის თამაშებზე დამოკიდებულების გააზრება და შეძლონ მასთან შებრძოლება.

ბ) გრძელვადიანი მიზანი: განუვითარდეთ მავნე ჩვევასთან ბრძოლის უნარები, დაეუფლონ ისეთ სტრატეგიებს რაც დაეხმარება მათ ტელეფონის თამაშების გარეშე ცხოვრებას.

3. მოსალოდნელი შედეგები:

ა) ამ პროექტით მოსწავლეებს აუმაღლდებათ ცნობიერება და გაუჩნდებათ ინტერესი ჯანსაღი ცხოვრების მიმართ.

ბ) მოსწავლეებს ჩამოუყალიბდეთ ჯანსაღი ცხოვრების წესის უნარ-ჩვევები. გაიაზრონ თუ რა დიდი მნიშვნელობა აქვს ტელეფონით თამაშის გარეშე ცხოვრებას და იზრუნონ მეგობრებზე რათა დაეხმარონ მავნე ჩვევის აღმოფხვრაში.

4. პროექტში მონაწილეთა გამოცდილების გათვალისწინება:

პროექტით დასახული მიზნებისა და დაგეგმილი შედეგების მისაღწევად ს საკმარისია პროექტში მონაწილეთა წინარე ცოდნა(საგნობრივი და ცხოვრებისეული), სააზროვნო და პრაქტიკული უნარ-ჩვევები(ანალიტიკური აზროვნების, ინფორმაციის მოძიება-დახარისხება-გამოყენების, პრეზენტაციის, კომუნიკაციის, თანამშრომლობის, ლიდერობის...).

პროექტის გეგმაში გათვალისწინებულია აქტივობები განსხვავებული ინტერესისა და საჭიროებების მქონე მოსწავლეთათვის.

5. პროექტის აქტივობები და მოკლე აღწერა:

5.1. თემატური სამუშაო ჯგუფების (მოსწავლეები, მშობლები, თემის წევრები ) შექმნა

5.2. კვლევის ჩატარება ,,ტელეფონი და თამაში“, შეხვედრა ექიმთან(საუბარი ტელეფონით თამაშის და მისგან გამოწვეული უძილობის, ურეჟიმო კვების, გაღიზიანებადობის, აღგზნებადობის, ჩაკეტილობის, სწავლისადმი გულგრილობის, ჯანმრთელობის გაუარესების, სტრესული მდგომარეობის გახშირების, ახლობლებთან და მეგობრებთან ურთიერთობის გაიშვიათობის და სხვა მავნებლობის შესახებ). 15.04.2019-17.04.2019წ

5.3. ნახატების შექმნა და გამოფენა თემაზე: ,,არა ტელეფონს“. 18.04.2019-20.04.2019წ

მოსწავლეები წინასწარ შექმნიან ესკიზებს მავნე ჩვევებისა და მათი უარყოფითი ზემოქმედების შესახებ, შემდეგ დახატავენ და გადაიტანენ დიდ ფორმატზე. სკოლის დერეფანში თვალსაჩინო ადგილზე მოაწყობენ ნახატების გამოფენას და მოიწვევენ სტუმრებს. გამოფენის მიზანი იქნება ვიზუალურად თვალსაჩინოდ წარმოჩინდეს მავნე ჩვევების არასასურველობა. ამ აქტივობის მომზადებასა და განხორციელებაში ჩართული იქნებიან უფროსი მეგობრებიც.

5.4.წესების შედგენა: ჯანსაღი ცხოვრების წესები 22.04.2019წ

ჯანსაღი ცხოვრების წესის( ტელეფონით თამაშის გარეშე) დაცვის მიზნით მოსწავლეები თვითონ შეადგენენ წესებს და კონტროლის მექანიზმებს სადაც ყველა მოსწავლის აზრი იქნება გათვალისწინებული. განხილვისა და შეფასების პროცესში მონაწილეობას მიიღებენ მშობლები მასწავლებლები და ექიმი.

5.5. ყველამ ერთად ვიცხოვროთ ჯანსაღი ცხოვრების წესით: 23.04.2019-25.04.2019წ

ამ შეხვედრაზე მოსწავლეები გააანალიზენენ ტელეფონით თამაშის, როგორც საშიში მავნე ჩვევის უარყოფით მხარეებს და მოამზადებენ ვიზუალურ მასალას (ბუკლეტს) და გაავრცელებენ თემში.

დაგეგმავენ სასკოლო სპორტულ აქტივობებს - მხიარულ სტარტებს, სადაც მონაწილეობას მიიღებენ მოსწავლეები.

5.6. პროექტის შეჯამება -26.04.2019-27.04.2019წ

შეფასების ჯგუფი შეაჯამებს პროექტის მიმდინარეობას, კითხვარის გამოყენებით, გამოავლენს თუ რომელი აქტივობა იყო ყველაზე ნაყოფიერი. მოსწავლეებმა დამსწრე საზოგადოების წინაშე წარმოადგინეს პრეზენტაცია.

6. პროექტის სამიზნე ჯგუფები:

მე-VII-VIII-IXკლასის მოსწავლეები, მშობლები, თემის წევრები, ექიმი.

7. პროექტის რისკები:

შესაძლებელია იყო უამინდობის გამო ჩაშლილიყო სასკოლო ღონისძიებები, რომელიმე მშობელს უარი ეთქვა დაგეგმილ აქტივობებში მონაწილეობაზე ან ექიმს დროის არქონის გამო ვერ მოეხერხებინა შეხვედრაზე მოსვლა.

8. სარგებელი:

დაგეგმილი პროექტით მოსწავლეებს, მშობლებს, თემს აუმაღლდებათ ცნობიერება, შეიძენენ ახალ, სასარგებლო ცოდნას, გაიზიარებენ პრობლემის არსს და იზრუნებენ მოზარდის პიროვნულ განვითარებაზე.

9. პროექტში მონაწილეთა (მოსწავლე, მშობელი, თემი და სხვ.) ჩართულობა პროექტის იდეის განვითარებაში დაგეგმვაში, განხორციელებაში, მონიტორინგსა და შეფასებაში.

აქტივობები დაიგეგმა და განხორციელდა პროექტის მოთხოვნათა შესაბამისად, რაც აისახა პროექტის გეგმასა და რეფლექსიაში.

10. პროექტის მონიტორინგი და შეფასება:

პროექტის შეფასების კრიტერიუმები, სრულიად იძლევა პროექტის მიმდინარეობის შეფასების საშუალებას.

პროექტის შეფასების კითხვარი (მოსწავლეებისთვის/მშობლებისთვის/თემის წარმომადგენლებისთვის/პროექტის ხელმძღვანელისთვის)

1. ყველაზე მეტად რა მომეწონა ამ პროექტში?-------------------------------------------------------------------------------------------------------------------------------------------------------------------- ------------------------

2. ვინ მონაწილეობდა და, კონკრეტულად, მე რა წვლილი შევიტანე პროექტის დაგეგმვაში?------------------------------------------------------------------------------------------------------------------------------------------------------------------------------------------------------------------------------------------------------------------

3. რა წვლილი შევიტანე პროექტის განხორციელებაში?------------------------------------------------------------------------------------------------------------------------------------------------------------------------------------------------------------------------------------------------------------------

4. რას არის ამ პროექტში ჩემი კრიტიკის ობიექტი? ------------------------------------------------------------------------------------------------------------------------------------------

5. რა ვისწავლე ახალი ამ პროექტიდან? -------------------------------------------------------------------------------------------------------------------------------------------------------------------------------

6. როგორ თანამშრომლობდნენ ჯგუფის წევრები ერთმანეთთ პროექტის მიმდინარეობისას?--------------------------------------------------------------------------------------------------------------------------------

7. როგორ განვითარდა მშობლებთან თანამშრომლობა? რით იყო სასარგებელო?------------------------------------------------------------------------------------------------------------------------------------------------------------------------------------------------------------------------------------------------------------------------

8. როგორ განვითარდა თემთან თანამშრომლობა? რით იყო სასარგებელო?------------------------------------------------------------------------------------------------------------------------------------------------------------------------------------------------------------------------------------------------------------------------

9. რა სარგებლობა მოიტანა პროექტის განხორციელებამ

ა) ჩემთვის------------------------------------------------------------------------------------------------

ბ) სხვა მონაწილეებისთვის-------------------------------------------------------------------------------

გ) თემისთვის? ----------------------------------------------------------------------------------------------

10. ვის და რით გამოვარჩევდი ყველაზე მეტად?------------------------------------------------------------------------------------------------------------------------------------------------------------------------

11. რას შევცვლიდი მომავალი პროექტებისათვის?-----------------------------------------------------------------------------------------------------------------------------

12. მიღწეულია თუ არა პროექტის მიზანი?---------------------------------------------------------------------------------------------------------------------------------------------------------------

13. რას ვურჩევ პროექტის ხელმძღვანელს?--------------------------------------------------------------------------------------------------------------------------------------------------------------

პროექტის რესურსები:

პროექტორი, კომპიუტერი, საღებავები, ფერადი ქაღალდები, ინტერნეტი, პრინტერი, ადამიანური რესურსები, სპორტული ინვენტარი, მარკერები, ფერადი ფანქრები, თაბახის ფურცლები და სხვა.....

სოციალური პროექტი: ,,არა ტელეფონს!“

რეფლექსია

2019 წლის 15.04-27.04.-ის ჩათვლით განვახორციელე პროექტი თემაზე: ,,არა ტელეფონს!“, რომლის მიზანი იყო . მოსწავლეთა ცნობიერების ამაღლება, კონკრეტული მაგალითების საფუძველზე ტელეფონზე დამოკიდებულების, როგორც მავნე ჩვევის არსის გააზრება და მასთან შეებრძოლება. .ტელეფონთან ბრძოლის უნარების განვითარება, პრევენციის სტრატეგიების დაუფლება, რათა იცხოვრონ ამ მავნე ჩვევის გარეშე და სხვასაც ასწავლონ ასე ცხოვრება. პროექტში მოსწავლეების გარდა ჩართული იყვნენ მასწავლებლები, მშობლები, თემი, ექიმი და სხვა დაინტერესებული პირები. მათი აქტიური მონაწილეობით მოხდა პროექტის იდეის განხილვა და ერთობლივად დაიგეგმა პროექტის აქტივობები რაც განხორციელდა წარმატებით.

განხორციელებული და დაგეგმილი აქტივობების შედეგად მოხერხდა დასახული მიზნების მიღწევა და შედეგზე გასვლა.

გეგმის შესაბამისად წარიმართა შემდეგი აქტოვობები:

პირველი შეხვედრაზე შევქმენით სამუშაო ჯგუფები, განვიხილეთ პროექტის აქტივობები. პრობლემის უკეთ შესასწავლად მოსწავლეთა, მშობელთა, თემისა და სოფლის ექიმის ჩართულობით დავგეგმეთ და განვახორციელეთ კვლევა ,,ტელეფონი და თამაში“, მოვაწყეთ შეხვედრა ექიმთან(საუბარი ტელეფონით თამაშის და მისგან გამოწვეული უძილობის, ურეჟიმო კვების, გაღიზიანებადობის, აღგზნებადობის, ჩაკეტილობის, სწავლისადმი გულგრილობის, ჯანმრთელობის გაუარესების, სტრესული მდგომარეობის გახშირების, ახლობლებთან და მეგობრებთან ურთიერთობის გაიშვიათების და სხვა მავნებლობის შესახებ).

მეორე შეხვედრაზე მოსწავლეებმა საკუთარი თვალით დანახული, გააზრებული მავნე ჩვევა-ტელეფონით თამაშზე დამოკიდებულება და მისი უარყოფითი ზემოქმედების შედეგები და არასასურველობა ვიზუალურად ასახეს ნახატებში და თემის ჩართულობით მოაწყეს გამოფენა თემაზე: ,,არა ტელეფონს!“. აქტივობაში ინტერესითა და მაღალი მოტივაციით მონაწილეობდნენ მოსწავლეები, რადგან გააზრებული ჰქონდათ ამ აქტივობის მნიშვნელობა.

მესამე შეხვედრაზე ჯანსაღი ცხოვრების წესის(ცხოვრება ტელეფონით თამაშის გარეშე) დაცვის მიზნით მოსწავლეებმა თვითონ შეადგინეს ჯანსაღი ცხოვრების წესები და კონტროლის მექანიზმები. აქტივობის დროს მაღალი იყო ჩართულობა და აქტიურად მონაწილეობდნენ მშობლები, მასწავლებლები და თემის წევრები. ამ პროექტში ინტერესით ჩაერთო ბევრი მშობელი საკუთარი შვილის ცხოვრებაში არსებული პრობლემის გადაჭრის მიზნით. მოსწავლეებმა დიდი მონდომებით მოამზადეს ვიზუალური მასალა (ბუკლეტები) და გაავრცელეს მოსწავლეებში და თემში.

მხიარული სტარტების სასკოლო ოლიმპიადა, რომელშიც მონაწილეობას მიიღებენ, როგორც სამიზნე ჯგუფის წევრები ისე სხვა კლასების მოსწავლეები. ძალზე ხალისიანი, საინტერესო და წარმატებული ღონისძიება გამოვიდა რამაც აუმაღლა მოსწავლეებს მოტივაცია.

. შეფასების ჯგუფმა შეაჯამა პროექტის მიმდინარეობა და წარმატება კითხვარის გამოყენებით. კითხვარი შეავსეს როგორც მოსწავლეებმა, ისე მშობლებმა, თემის წევრებმა, პროექტის ხელმძღვანელმა. გამოვლინდა, თუ რომელი აქტივობა იყო ყველაზე წარმატებული და ნაყოფიერი: მხიარულმა სტარტებმა პირველი ადგილი დაიჭირა.

ამ პროექტით მოსწავლეებმა გააცნობიერეს ტელეფონზე დამოკიდებულების-მავნე ჩვევა და ტელეფონის უარყოფითი შედეგები. გაანალიზეს უფლებები და მოვალეობები, როგორც საკუთარი თავის, ისე სხვების წინაშე. აუმაღლდათ თვითშეფასება და მოტივაცია ჯანსაღი ცხოვრების წესის მიმართ. თავიანთი ახალი ცოდნისა და გაწეული შრომის შედეგად შეიცვალეს დამოკიდებულება და განეწყვნენ ამ კონკრეტული მავნე ჩვევის აღმოსაფხვრელად და გამოხატეს მზაობა მეგობრების დასახმარებლად.

სხვა პროექტებისათვის გავითვალისწინებ მოსწავლეთა ასაკობრივ თავისებურებებს, ხასიათის მხარეებს, მათ საჭიროებებს, ინტელექტის ტიპებს, შესაძლებლობებს, უნარებს, ინტერესებს და დავგეგმავ კიდევ უფრო საინტერესო, სახალისო, მრავალფეროვან და სასარგებლო აქტივობებს.

სოციალური პროექტი ,,ბრძოლა მავნე ჩვევების წინააღმდეგ’’

სახელი, გვარი: ირმა ასპანიძე

რაიონი: ასპინძა

სოფელი: ნიჯგორი

სკოლა: ნიჯგორის საჯარო სკოლა

საფეხური/კლასი: საბაზო--IX კლასი

პროექტის განხორცილების დრო: 21.10—05.11.2019 წ.

პროექტის დასახელება: ,,ბრძოლა მავნე ჩვევების წინააღმდეგ’’

1. პროექტის აქტუალობა:

21-ე საუკუნეში სამწუხაროდ მრავლადაა, მოზარდებში და ახალგაზრდებში სხვადასხვა სახის მავნე ჩვევები, რომლებიც უარყოფით გავლენას ახდენს როგორც ფიზიკურ ისე ფსიქიკურ ჯანმრთელობაზე, სწავლის ხარისხსა და მოტივაციაზე, ინდივიდის თვითშეფასებაზე, დროის, ფინანსების, რესურსების, სწორ, მიზნობრივ გამოყენებაზე. აუცილებელია, მოხდეს მავნე დამოკიდებულების გაანალიზება და მათ წინაშე ბრძოლა ჯანსაღი ცხოვრების წესის დამკვიდრებით. პროექტის ფარგლებში მიღებული ცოდნით აღმოიფხვრეს მავნე ჩვევები და შეიქმნას ჯანსაღი გარემო. სპორტული შეჯიბრებებითა და ამ თემასთან დაკავშირებული სხვა და სხვა აქტივობებით. ისინი შეძლებენ თვითრეალიზებას და დროის ეფექტურ გამოყენებას.

2. პროექტის მიზანი:

ა) მოკლევადიანი მიზანი: მოსწავლეებს აუმაღლდეთ ცნობიერება და კონკრეტული მაგალითების საფუძველზე გაიაზრონ და შეებრძოლონ მავნე ჩვევებს.

ბ) გრძელვადიანი მიზანი: განუვითარდეთ მავნე ჩვევებთან ბრძოლის უნარები, დაეუფლო პრევენციის სტრატეგიებს, იცხოვრონ მავნე ჩვევების გარეშე და სხვასაც დაეხმარონ მავნე ჩვევების წინააღმდეგ ბრძოლაში.

3. მოსალოდნელი შედეგები:

ა) ამ პროექტით მოსწავლეებს აუმაღლდებათ ცნობიერება და გაუჩნდებათ სურვილი ჯანსაღი ცხოვრების წესის.

ბ) მოსწავლეებს ჩამოუყალიბდებათ ჯანსაღი ცხოვრების უნარ-ჩვევები. მოსწავლეები საფუძვლიანად გაიაზრებენ, თუ რა დიდი მნიშვნელობა აქვს მავნე ჩვევების გარეშე ცხოვრებას და იზრუნებენ სხვებზეც.

4. პროექტში მონაწილეთა გამოცდილების გათვალისწინება:

მიმდინარე პროექტში მონაწილეთა გამოცდილება, წინარე ცოდნა(საგნობრივი და ცხოვრებისეული), სააზროვნო და პრაქტიკული უნარ-ჩვევები( კრიტიკული და შემოქმედებითი აზროვნების, დაგეგმვის, ორგანიზების, კვლევის, ინტერნეტში, და არა მხოლოდ ინტერნეტში, ინფორმაციის მოძიების, დახარისხება-გამოყენების, ტექნიკური (Microsoft Office Word, Microsoft Office PowerPoint), პრეზენტაციის, კომუნიკაციის, თანამშრომლობის, ლიდერობის...) პროექტით დასახული მიზნებისა და შედეგების მისაღწევად სრულიად საკმარისია.

პროექტის მიმდინარეობისას გათვალისწინებულ იქნას განსხვავებული ინტერესისა და საჭიროებების მქონე მოსწავლეთა გამოცდილება.

5. პროექტის აქტივობები და მოკლე აღწერა:

ა) თემატური სამუშაო ჯგუფების (მოსწავლეებით, მშობლებით, თემის წევრებით დაკომპლექტებული) შექმნა

ბ) პრობლემის შესწავლა და კვლევის ჩატარება ,,როგორ დავნერგოთ ჯანსაღი გარემო“ შეხვედრა მოწვეულ ექიმთან (საუბარი ფრჩხილების კვნეტის, ურეჟიმო კვების, ტელეფონით თამაშის, კომპიუტერთან დიდხანს ჯდომის, სიგარეტის მავნებლობის შესახებ).21.10.2019-22.10.2019

გ) ნახატების გამოფენა თემაზე: ,,ვებძოლოთ მავნე ჩვევებს. 23.10.2019-24.10.2019

მოსწავლეები წინასწარ შექმნიან ესკიზებს მავნე ჩვევებისა და მათი უარყოფითი ზემოქმედების შესახებ, შემდეგ დახატავენ და გადაიტანენ დიდ ფორმატზე. სკოლის დერეფანში თვალსაჩინო ადგილზე მოვაწყობთ ნახატების გამოფენას. გამოფენის მიზანი იქნება ვიზუალურად თვალსაჩინოდ წარმოჩინდეს მავნე ჩვევების მავნებლობა.

დ) წესების შედგენა: ჯანსაღი ცხოვრების წესები .25.10.2019

ჯანსაღი ცხოვრების წესის დაცვის მიზნით მოსწავლეები შეიმუშავებენ წესებს, რეგულაციებსა და კონტროლის მექანიზმს. ყველა მოსწავლის აზრი იქნება მიღებული და გათვალისწინებული. განხილვისა და შეფასების პროცესში მონაწილეობას მიიღებენ მშობლები, მასწავლებლები და კომპეტენტური პირები.

დ) ყველამ ერთად ვიცხოვროთ ჯანსაღი ცხოვრების წესით: 28.10.2019

ამ შეხვედრაზე მოსწავლეები წარმოადგენენ მავნე-ჩვევების უარყოფით მხარეებს. მოამზადებენ ვიზუალურ მასალას (ბუკლეტს) და გავრცელებენ თემში-29.10.2019წ

დაგეგმავენ სპორტულ აქტივობებს თემში - მხიარული სტარტების ჩატარება, სადაც მონაწილეობას მიიღებენ მოსწავლეები და მასწავლებლები 30.10. 2019—02.11.2019

ვ) პროექტის შეჯამება 04.11.2019

შეფასების ჯგუფი შეაჯამებს პროექტის მიმდინარეობას, კითხვარის გამოყენებით, გამოავლენს თუ რომელი აქტივობა იყო ყველაზე სახალისო რომელმაც გამოიწვია მოსწავლეების მაღალი ჩართულობა, აუდიტორიის წინაშე წარმოადგენენ პრეზენტაციას.

6. პროექტის სამიზნე ჯგუფები:

მე-VIII---IX- კლასის მოსწავლეები,მასწავლებლები, მშობლები, თემის წევრები და მოწვეული ექიმი

7. პროექტის რისკები:

შესაძლებელია, მშობლებს არ ქონოდათ სურვილი,რომ მათი შვილები ჩართულიყვნენ დაგეგმილ აქტივობებში მონაწილეობაზე ან მოწვეულ ექიმს სხვა პაციენტის საჭიროებიდან გამომდინარე ვერ მოეხერხებინა დაგეგმილ დროს მოსვლა.

8. სარგებელი:

მოსწავლეები, მშობლები და თემის წევრები გაიაზრებენ პრობლემის არსს,იზრუნებენ პიროვნულ განვითარებაზე და აუმაღლდებათ ცნობიერება.

აქტივობები დაიგეგმა და განხორციელდა ამ პუნქტის მოთხოვნათა სრული გათვალისწინებით.

10. პროექტის მონიტორინგი და შეფასება:

პროექტის შეფასების კრიტერიუმები, რომელიც სრულიად იძლევა პროექტის მიმდინარეობისა და პროდუქტის შეფასების საშუალებას.

9. რა სარგებლობა მოიტანა პროექტის განხორციელებამ

ა) ჩემთვის------------------------------------------------------------------------------------------------

ბ) სხვა მონაწილეებისთვის-------------------------------------------------------------------------------

გ) თემისთვის? ----------------------------------------------------------------------------------------------

11. რა ცვლილებებს შევიტანდი მომავალი პროექტებისათვის?-----------------------------------------------------------------------------------------------------------------------------

13. რა რჩევას მიცემდით პროექტის ხელმძღვანელს?--------------------------------------------------------------------------------------------------------------------------------------------------------------

პროექტის რესურსები:

პროექტორი, კომპიუტერი, საღებავები, მუყაოს ყუთები, ინტერნეტი, პრინტერი, ადამიანური რესურსები, სპორტული ინვენტარი,მარკერები,ფლირჩარტები,ფლომასტერები,თაბახის ფურცლები და სხვა.

სოციალური პროექტი-,,გაუფრთხილდეთ ბუნებას ის გაგვიფრთხილდება ჩვენ’’

სახელი, გვარი	ირმა ასპანიძე
რაიონი/სოფელი	ასპინძის რაიონი, სოფელი ნიჯგორი.
სკოლა, საგანი,კლასი:	სოფ.ნიჯგორი,საჯარო სკოლაV- VI კლასი
პროექტის დასახელება:	„გაუფრთხილდეთ ბუნებას,ის გაგვიფრთხილდება ჩვენ“
პროექტის განხორციელების ვადები:	30.09.2019-11.10.2019
პროექტის აქტუალობა	მსოფლიოში მწვავედ დგას გარემოს დაბინძურების ირგვლივ არსებული პრობლემები და მათ შორის ჩვენს სოფელშიც:გარემოს დაბინძურება,ნარჩენების გადამუშავება,არსებული ბუნებრივი რესურსების არასწორი მოხმარება,გლობალური დათბობა და სხვა...სწორედ არსებული პრობლემებიდან გამომდინარე გადავწყვიტეთ აღნიშნული პროექტის განხორციელება.
პროექტის მიზნები	· მოსწავლეებს გამოუმუშავდეთ გარემოზე ზრუნვის უნარჩვევები. · გააცნობიერონ და გაიაზრონ თუ რა ზიანის მომტანია,როგორც ბუნებისათვის ისე ადამიანისათვის უკონტროლოდ დაყრილი ნაგავი. · მოსწავლეებში და თემში ცნობიერების ამაღლება გარემოს დაცვისა და ნარჩენების გადამუშავების ირგვლივ. · მოსწავლეებს გამოუმუშავდეთ 21-ე საუკუნის უნარ-ჩვევები: · საღი მსჯელობა · პასუხისმგებლობის გაზიარება · თანამშრომლობა · ინფორმაციის დახარისხება,ანალიზი,სინთეზირება · კრიტიკული აზროვნება და პრობლემის გადაჭრა.
მოსალოდნელი შედეგები:	ü მოსწავლეები შეიყვარებენ ბუნებას,იზრუნებენ და გაუფრთხილდებიან ü მოსწავლეები დაასუფთავებენ სკოლის მიმდებარე ტერიტორიას,ჩამოუყალიბდებათ ბუნებაზე ზრუნვის უნარ-ჩვევები ü როგორც თემის ისე მოსწავლეების ცნობიერების ამაღლება და ნეგატიური დამოკიდებულება დანაგვიანებული გარემოსადმი და საკუთარი პასუხისმგებლობის გააზრება ü ნარჩენების გადამუშავების შესახებ ინფორმაციის მოძიება,დამუშავება,გაცნობა
პროექტის მნიშვნელობა	მოსწავლეებს გამოუმუშავდეთ ბუნებაზე ზრუნვის უნარ-ჩვევები და მათი მაგალითი მისაბაძი იყოს როგორც სხვა მოსწავლეებისათვის ისე თემისათვის.აუმაღლდეთ თვითშეგნება და ჩამოუყალიბდეთ გარემოზე ზრუნვა
პროექტის აღწერა,განხორციელება და აქტივობები:30.09.2019 01.10.2019 02.10.2019 04.10.2019 07.10.2019 08.10.2019-09.10.2019-10.10.2019 11.10.2019	. პროექტის მიზნების გაცნობა და აქტივობების დაგეგმვა.მინი ლექცია თემაზე“გაუფრთხილდეთ გარემოს ის გაგვიფრთხილდება ჩვენ“.გავმართეთ საუბრები თუ როგორ გავუფრთხილდეთ და დავიცვათ ბუნება . მოსწავლეები დაიყვნენ ჯგუფებად და შესაძლებლობებიდან გამომდინარე აირჩიეს სასურველი დავალებები. . მოძიებული მასალის განხილვა,დახარისხება და შენახვა. . მოსწავლეებმა გადაუღეს ფოტოები სკოლის ეზოსა და მიმდებარე ტერიტორიას დასუფთავებამდე და დასუფთავების შემდეგ . წარვადგინეთ პრეზენტაცია“გაუფრთხილდი ბუნებას ის გაგიფრთხილდება შენ“ სკოლის მასწავლებლებთან,მოსწავლეებთან,მშობლებთან და მოწვეულ სტუმრებთან . შევქმენით ბუკლეტები და დავარიგეთ,როგორც სკოლის მოსწავლეებთან და მასწავლებლებთან ისე სოფლის მოსახლეობასთან განხორციელებული პროექტის განხილვა და შეფასება
პროექტის სამიზნე ჯგუფი	VII-VIII კლასის მოსწავლეები,მშობლები,მასწავლებლები,თემის წარმომადგენლები.
პროექტის მონიტორინგისა შეფასების სისტემის აღწერა	. მონიტორინგი და შეფასება მოვახდინე შესაბამისი რუბრიკების საშუალებით სადაც ყურადღება გავამახვილე მოსწავლეთა ურთიერთთანამშრომლობასა და ჩართულობაზე,პრეზენტაციისათვის საჭირო უნარ-ჩვევებისა და რესურსების შესაბამისობაზე.